Aktori i madh Mehdi Malkaj, pjesëmarrës në protestën e sotme ku kërkohet dorëheqja e kryebashkiuat Veliaj, mori fjalën e tij, ku u ironizoi qeverinë, e cila sipas tij po fshin këpucët në kurrizin e popullit dhe ky i fundit nuk po bën rezistencë.
Këpucët e qelbura i fshin në kurriz të këtij populli , dhe thotë tjetri 'ishte udhëheqësi im', nuk ka rëndësi.
Kërkoj një gjë.
E kërkoj me këmbëngulje, të heqim dorë nga njëshi. Njëshin e kemi zgjedhur për të na shërbyer neve, jo për të na masakruar neve.
Njëshi është shërbëtor i jonë . Bëri një iftar atje dhe i vaftë mbarë, u gëzuan të gjithë ata që e duan.
Ai është shumë i mirë sepse ju dha bukë për të ngrënë , është turp i madh jemi akoma te buka.
Jemi te monologu bukës.
Zonja dhe zotërinj unë kaq kam mundësi të bëj, bëj maksimalen e jetës time bashkë me Aleancën për Mbrojtjen e Teatrit, kemi 7 vjet që nuk lëvizim.
Ju falenderoj shumë për dashurinë që më falni. Jam i zhytur në borxhe tek ju, por nuk jua laj dot.
