Kryetari i Partisë së Lirisë, Ilir Meta deklaroi se ish-ministrja e Jashtme e Kosovës, Edita Tahiri do të marrë pjesë në Konventën e kësaj partie ditën e shtunë.
Në postimin e tij në Facebook, Meta thekson se mbështetja për Kosovën prej 20 vitesh është në ADN e Partisë të Lirisë.
Postimi i plotë:
Mbështetja për Kosovën prej 20 vitesh është në ADN e Partisë të Lirisë.
Mbështetja për shtetin e Kosovës do të jetë temë e rëndësishme në Konventën tonë në 27 Prill.
I lumtur që politikania e njohur znj.Edita Tahiri pranoi ftesën tonë për të marrë pjesë në këtë Konventë historike dhe për të thënë fjalën e saj.
Një rast i mrekullueshëm, në veçanti për vajzat dhe gratë tona të Partisë të Lirisë, por jo vetëm, për t'u frymëzuar në betejat për fuqizimin e gruas dhe modernizimin e shoqërisë tonë.
Një rast i shkëlqyer për të dëgjuar një dëshmitare të rrallë të momenteve më dramatike që përjetoi populli shqiptar i Kosovës në betejat e paharruara për çlirimin dhe Pavarësinë.
Betejat e dyfishta në luftë dhe negociata të vështira që as mund të harrohen dhe jo më të nëpërkëmben.
Mirëse të vish e dashur Edita!
