Kryetari i PL, Meta, me bashkëpunëtorë të tij, ka ndjekur deri në orët e vona të së premtes, të gjitha përgatitjet që po bëheshin në sallën e Pallatit të Kongreseve ku do të mbahet takimi.

“Mirëmbrëma nga Pallati i Kongreseve!-  përshëndeti Ilir Meta me një video ku shfaqej me bashkëpunëtorët e tij më të ngushtë. - Nuk ka natë, ka vetëm ditë derisa Shqipëria të shohë dritë dhe të ketë diell për të gjithë shqiptarët!

Të dashur delegatë dhe të ftuar në Konventën tonë Kombëtare, të shtunë ju presim këtu në Pallatin e Kongreseve, në ora 10:00, ku do të miratojmë 5 prioritetet për 4 milion shqiptarë plus. Fitore për Lirinë e të gjithë shqiptarëve!”

E ftuar nderit në Konventën Kombëtare të Pl është znj.Edita Tahiri nga Kosova, një simbol i përpjekjeve të vajzave dhe grave shqiptare për emancipim, për liri, për dinjitet dhe për të realizuar ëndrrën tonë që shqiptarët të jenë të bashkuar në Europën e Bashkuar, siç e përcaktoi Ilir Meta.

Më 12 prill 2024, kur njoftoi për zhvillimin e Konventën, kreu i PL nënvizoi se "është koha për rithemelimin e Partisë së Lirisë në Konventën Kombëtare më 27 prill, për t’u shkundur dhe për t’u riorganizuar nga themelet, për t’i dhënë fund njëherë e përgjithmonë arrogancës së papranueshme në opozitë”