Berisha tha se Arben Kraja kishte nip e mbesë, mace e mi të punësuar në bashki dhe mbante dosjen e hetimit të Erion Veliajt, gjersa 3 javë më parë, kur do dërgohej në gjykatë, dha dorëheqjen se u kujtua se ishte në konflikt interesi.  

Pjesë nga fjala e liderit të opozitës

Miqtë e mi, Altin Dumani dhe Kraja i Sigurimit të Shtetit janë dy ndër kriminelët më të rrezikshëm të drejtësisë shqiptare.

Arben Kraja kishte nip e mbesë, mace e mi të punësuar në bashki dhe mbante dosjen e hetimit të Erion Veliajt, gjersa 3 javë më parë, kur do dërgohej në gjykatë, dha dorëheqjen se u kujtua se ishte në konflikt interesi.

Të dashur miq, prandaj thotë Erion Veliaj se sot unë isha te kolegët.

Ishte inspektori i Spakut ky.

Sot unë isha si bashkëpunëtor.

Tani do t’ia themi dy fjalë: o hajdut, ata që i pe ti te bashkia, e çojnë bashkinë në supe, siç çuan barrikadën dhe ty të varin në shtyllën e turpit të historisë.

Ata nuk presin zgjidhje nga bashkëkolegët e tu hajdutë si ty, kriminelë si ty, Duman, Kraja dhe kompani.

Jo mo jo. Shqipëria është e jona. Fatin e Shqipërisë e kemi ne.

Ju jeni llumi i saj, do merrni atë që meritoni.

Të dashur miq, në historinë e kësaj beteje pa kthim, kjo ditë shënon një ditë fitoreje.

Një ditë frymëzimi të pashterrshëm.

Një ditë ngadhënjimi të shpirtit tonë të pamposhtur.

Por shënon vetëm një prag nga i cili do hidhemi në beteja më të fuqishme, për fitore më të mëdha, për fitoren përfundimtare.

Dhe jo vetëm me kryehajdut Erion Veliajn, por edhe me kryehajdutët e tjerë, por edhe me kolegët e tij, hajdutë si ai.

Shqipëria nuk u lihet në dorë hajdutëve.

Nuk u lihet në dorë tradhtarëve.

Fati na përket ne.

Ne do marrim fatin tonë në dorë.

Fatin e Shqipërisë.

Të ardhmen tonë.