Agron Gjekmarkaj: Së pari një falënderim për atë çfarë keni bërë për Partinë Demokratike në vite dhe një ndjesë nga zemra për të gjithë trazimet, gjitha dilemat, gjithë shqetësimet, paqartësitë që ne politikanët e Tiranës të Parisë Demokratike ju kemi shkaktuar në këto vite. 

Duke ardhur në “Rrugën e Kombit” e cila ndoshta është kryevepra më e madhe që ka bërë Shqipëri në këto 34 vite që ka nxjerrë Kukësin nga izolimi dhe ka integruar Kosovën me Shqipërinë, më kujtohej që Kreyministri aktual e quante aso kohe, rruga që nuk të çon asgjëkund sepse Kukësi për të ishte asgjëkund, Kosova ishte asgjëkund. Por në fakt një vepër e tillë është ajo që na kthen tek gjërat e mira që ka bërë Partia Demokratike e që janë shumë dhe për të cilat ne duhet të jemi krenarë në rrafshin e infrastrukturës, në rrafshin ekonomik, në rrafshin e lirisë, në integrim në NATO në Shqipërinë pa viza dhe që gjitha këto kanë patur nga pas një ideolog një udhëheqës, që është Sali Berisha. Dhe sot pa akuzë, pa hetim, themeluesi i pluralizmit, themeluesi i Partisë Demokratike gjindet në arrest si një përpjekje që në  këtë vit elektoral Partia Demokratike, me ndihmën e një pjesë të gjykatave të vendit të shkojë me gojën e mbyllur me duart e lidhura dhe këmbët e lidhura. Por kjo nuk do të ndodhë falë përpjekjes tuaj, qëndresës së qytetarëve kudo në të gjithë Shqipërinë. Ne po lëvizim në një tur nga jugu në veri dhe shohim se Partia Demokratike është vënë në lëvizje. Ajo është në rritje, ne ecje dhe kemi përballë një vit historik që kemi mundësi ta dhëndërojmë atë në vitin e fitores tonë të madhe, në vitin e ndryshimit të Shqipërisë....