Mëngjesin e sotëm, avokati i liderit të opozitës, Sokol Mëngjesi është sulmuar fizikisht nga persona të panjohur teksa ka qenë duke çuar të birin në kopësht.

Autorët nuk janë kapur nga policia dhe nuk ka ende asnjë të dhënë zyrtare për sulmin çnjerëzor ndaj Mëngjesit. 

Ajo që bie në sy është nguti i mediave të pushtetit për të dhënë versione përfundimtare të sulmit duke dalë me tituj se sulmi nuk është për shkak të çështjes që ka në mbrojtje.

Ende pa patur autorë të arrestuar, ende pa patur zbardhje të ngjarjes, mediat e pushtetit, si gjithmonë, japin versionin përfundimtar.

Kujtojmë se lideri i opozitës është sulmuar fizikish në dhjetor të 2022 gjatë një proteste paqësore në bulevardin 'Dëshmorët e Kombit'.

Mësohet se avokat Sokol Mëngjesi së bashku me avokat Klodian Skënderaj zotërojnë një studio ligjore dhe aktualisht ata janë avokatët mbrojtës të Sali Berishës, Jamarbër Malltezit dhe tre inceneratorëve. 

Mëngjesi ushtron profesionin e avokatit prej vitesh dhe konsiderohet si një prej avokatëve më me integritet në vend.  

Prej shtatorit 2020 ka qenë Dekan i Fakultetit të Drejtësisë në Universitetin e Tiranës dhe mban titullin akademik “Profesor” prej vitit 2016.