Shkëlzen Berisha ka reaguar në lidhje me fjalën e Edi Ramës në një aktivitet përkujtimor në Kosovë për Ibrahim Rugovën.
Në reagimin e tij në rrjetin social Facebook, Berisha shkruan se Edi Rama ka shkuar që të kujtojë ‘mikun’ e tij, presidentin Ibrahim Rugova në atë që disa muaj më herë, drejtuesi i qeverisë së Shqipërisë e pati quajtur si ‘toka e askujt’.
‘Rama përkujton ‘mikun’ e tij, presidentin Rugova, ne ‘tokën e askujt’!’, shkruan Shkëlzen Berisha në postimin e tij në Facebook.
Në aktivitetin e LDK-së së drejtuar nga Lumir Abdixhiku sot ishin të ftuar Rama dhe disa personazhe të tjerë, që nuk kanë shfaqur ndonjëherë admirim për Presidentin Ibrahim Rugova, ndërsa nga ky aktivitet ishin përjashtuar personazhe që njihen si ‘rugovistë’ të përhershëm në Kosovë dhe në Shqipëri.
