Vendimi i Gjykatës së Apelit e cila riktheu simbolet e Partisë Demokratike në selinë blu dhe njohu zyrtarisht si kryetar Sali Berishën, ka ngritur në festë demokratët.
Nga pamjet e siguruara nga SYRI në ‘Rrugën e Shpresës’, dallohen demokratët të cilët janë mbledhur si çdo natë që nga 30 dhjetori 2023, pas vendimi politik të gjykatave të dirigjuara nga Edi Rama, për të lënë në ‘arrest shtëpie’ liderin e opozitës Sali Berisha.
Qindra demokratë po këndojnë dhe kërcejnë në një festë legjitime me simbolet e PD-së, pas gati 3 vitesh të marra peng nga Edi Rama dhe regjimi i tij.
