Zëri i Amerikës: Qytetarët sfidojnë temperaturat e larta, protestojnë sërish duke kërkuar largimin e Veliajt

Premte, 21 June 2024 21:37
 
 

VOA

Protestues opozitarë hodhën sot përsëri lëndë shpërthyese drejt bashkisë së Tiranës, duke kërkuar largimin e kryebashkiakut Erjon Veliaj nga detyra. 

 

Duke sfiduar edhe temperaturat e larta të klimës, ata u mblodhën në protestën e tyre të 13-të dhe goditën bashkinë me shishe molotovë, ndërsa mbanin parrulla, ku kërkohej që kryebashkiaku Veliaj të dalë para drejtësisë lidhur me korrupsionin në bashki.

Disa ish drejtorë bashkiakë, bashkëpunëtorët e afërt të tij, janë arrestuar nga SPAK-u nën dyshimet për afera korruptive, ndërsa protestuesit e cilësojnë edhe zotin Veliaj si të përzjerë në korrupsionin e vartësve.

Zoti Veliaj i ka hedhur poshtë akuzat e opozitarëve, dhe ka deklaruar se kushdo mban përgjegjësi personale para drejtësisë.

Ai ka theksuar në një mesazh publik se nuk ka nënshkruar asnjë dokument, që të ketë shkaktuar shpërdorim të fondeve publike.

SPAK-u është duke vijuar hetimet për inceneratorin e Tiranës dhe për aferat me kompaninë 5D, ku dyshohet se janë përfshirë ish drejtorët dhe punonjës të agjencive pranë bashkisë.

Login to post comments

Lajmet e fundit

Siguria e Lojërave Olimpike në Paris

Globi

Siguria e Lojërave Olimpike në Paris

Tre ditë para fillimit të Lojërave Olimpike, ministri i Brendshëm i Francës përshëndeti forcat e rendit siç tha ai “për punën e tyre të palodhur”. Ai tha se përkushtimi i oficerëve...

Ish-komandanti i Gardës në SPAK

Politikë

Ish-komandanti i Gardës në SPAK

  Ish-komandanti i Gardës, Ndrea Prendi Ish-komandanti i Gardës, Ndrea Prendi është paraqitur në SPAK. Paraqitja e tij në SPAK vjen pasi Prokuroria e Posaçme ka nisur hetimet për vrasjen e Aleks...

Çfarë rrezikojnë njerëzit nga produktet kozmetike të kontrabanduara?

Aktualitet

Çfarë rrezikojnë njerëzit nga produktet kozmetike të kontrabanduara?

  Një aksion i policisë të dielën zbuloi mallra kontrabandë në biznesin e fushës së kozmetikës, “Global Cosmetics & Distribution”. Policia njoftoi se në ambientet e biznesit në Tiranë janë gjetur rreth...