Lideri demokrat, Sali Berisha në fjalën e tij përpara protestuesve në tubimin maratonë është shprehur se qeveria Rama mashtron për turizmin nga mëngjesi gjer në darkë dhe nuk u thonë qytetarëve të vërtetat.

Berisha ka theksuar gjithashtu se sot 80-90 përqind e atyre që qytetarët shqiptarë bejnë në supermarkete janë importe dhe jo prodhime vendase dhe se çmimet e tyre në Shqipëri janë nga 10 gjer në 250 përqind më shumë se sa në Itali, Greqi, Gjermani, Francë apo vende të tjera. 

'Miqtë e mi, kjo është një situatë superemergjente.
Këtë pasuri përrallore, në një barbari të plotë, e ka shndërruar në një gjobë të tmerrshme për shqiptarët.
Unë u ndala në disa aspekte.
Po pse ka rë turizmi?
Ata mashtrojnë për turizmin nga mëngjesi gjer në darkë dhe nuk u thonë të vërtetat.
Turizmi ka rënë jo se vlonjatet janë në gropë dhe janë pa mend. Mund të ketë spekulantë, mund të ketë abuzime.
Por e vërteta është se çmimet, ju që blini çdo ditë në supermarkete, në magazinat e fruta-perimeve, duhet ta dini se 80-90 përqind e atyre që blini janë importe.
Dhe duhet ta dini se çmimet e tyre në Shqipëri janë nga 10 gjer në 250 përqind më shumë se sa në Itali, Greqi, Gjermani, Francë apo vende të tjera.
Prandaj nuk janë vlonjatët pa mend, por ti je një kokërr hajduti pa moral që di vetëm të vjedhësh dhe po e shkatërron Shqipërinë.
Sigurisht, po të përzësh masivisht shqitparët nga Shqipëria, nuk mbetet krah pune sepse punën për tre muaj, punën provizore në tërësi nuk e pëlqen.
Dhe për t’i punësuar, duhet t’i japësh një rrogë shumë më të lartë.
Unë nuk them se nuk ka spekulantë, por nuk them se nuk shkaku i rritjes së çmimeve është tek rritja e tmerrshme e çmimeve.
Tek rënia katastrofale e prodhimit bujqësor.
Unë e di qënë bujqësi hyjnë miliarda nga turizmi, por problemi është sa shkojnë te qytetari i thjeshtë, te ai që nuk ka hotel, te ai që nuk ka motel, te ai që jeton me rrogën e tij dhe blen ushqimet çdo ditë.'- shprehet lideri historik.