I ftuar në SYRI TV me moderatorin Edvin Parruca, ish-ministri i Bujqësisë, Edmond Panariti ka folur për protestën e fermerëve në Maliq, të cilën e theksoi si  një protestë europiane, civile dhe të moderuar. Ish-ministri i bujqësisë e cilësoi sjelljen e policisë ndaj fermerëve një sjellje mizore pasi përveç faktit se askush nuk dënjoi ti dëgjonte, ti priste, të negocionte, e ti jepte një rrugëzgjidhje, përkundrazi, u penalizuan në mënyrë qesharake.

Sa i përket blegtorisë, Panariti ka theksuar se blegtoria shqiptare po shkon drejt asgjesimit sepse qumësht pluhur i holluar me ujë hyn në tregun shqiptar, ndërkohë që prodhimi vendas i qumshtit nuk futet në treg. 

'Protesta e fermerëve të Maliqit por edhe e gjithë fermerëve që kanë protestuar edhe më para është një protest europianë, civile, madje është edhe shumë me e moderuar se protesta të ngjashme që kanë ndodhur në BE. Më lejoni tju kujtoj me 24 Mars, të këtij viti, fermerët ë revoltuar të BE, ndezën mullarë bari dhe spërkatën me pleh shkallët e Komisionit Europian kur bëhej mbledhja e ministrave të bujqësisë, dhe askush nuk i anatemoi, askush nuk i persekutoi përkundrzi, u ulën, negociuan dhe plotësuan kërkesat e tyre dhe bëhet fjalë për fermerë të cilët janë më te subvencionuarit në planet.

Tek ne ndodh nje butafori, dhe një sjellje mizore do të thoja, përveç se askush nuk dënjoi ti dëgjonte, ti priste, të negocionte, e ti jepte një rrugëzgjidhje, përkundrazi, u penalizuan në mënyrë qesharake.

Fermerët shqiptarë janë më pak të financuarit në BE, dhe prodhimi bujqësor shqiptar ngarkohet me 20% tatim mbi vlerën e shtuar, ku mesatarja e rajonit është 5%, pra 4 herë më shumë. Fermeri shqiptar nuk subvencionohet as me të ardhurat e buxhetit as me të ardhurat e IPARD, që tashme janë të bllokuara.

Blegtoria shqiptare po shkon drejt asgjesimit sepse qumësht pluhur i holluar me ujë hyn në tregun shqiptar dhe nuk ka shanc për një prodhim vendas.'- u shpreh z.Panariti.