CNA prej vitesh ka denoncuar pagesat e njerëzve të inceneratorëve në media. Në lidhje me këto pagesa në media ka folur mbrëmjen e kësaj të hëne edhe ish-zv.kryeministri Arben Ahmetaj.

Ish.zv.kryeministri tha se ndër mediat që kanë marrë para janë “Top Channel” dhe “Report Tv” e Carlo Bollinos.

Ai kërkoi që “Top Channel” të japë llogari, pasi theksoi se i gjithë territori i këtij televizioni është i përfshirë në aferë.

“‘Top Channel’ ka fol dy muaj për mua, paguhet nga inceneratorët Vjollca. I gjithë territori i ‘Top Channel’ është i përfshirë nga afera e inceneratorëve, të dalë dhe të japë llogari, çdo lajm episodik që del për mua, ‘Report Tv’ dhe ‘Top Channel’ me vrap më sulmon, sepse paguhen nga inceneratorët”, theksoi ai.