Në fund të fjalës së tij në tubimin qytetar, kryetari i PD-së, Sali Berisha u ka bërë thirrje qytetarëve dhe demokratëve se, përgjegjësia për nxjerrjen e Shqipërisë nga kjo situatë është vetëm e jona.

‘Përgjegjësia është vetëm e jona! Vetëm guximtarët do firmosin ndryshimin e pushtetit dhe fitoren e opozitës’, tha lideri i demokratëve në fjalën e tij.

Pjesë nga fjala e kreut të PD-së, Sali Berisha:

Por miq, të gjitha këto janë zhvillime pozitive në drejtimin e duhur.

Por u garantoj se çdo qytetar gjerman që lexon artikull.

Çdo qytetar shqiptar që lexon atë artikull.

Të gjithë ata që lexojnë deklaratën e Sarrazinit, shtrojnë vetëm një pyetje:

Mirë se burrështetasit e tjerë e përkrahkan Edi Ramën si jesmen, si njeri që bën çfarë i thonë, por që shet pasurinë publike për njerëzit e vet, që nuk ndjek asnjë kod, asnjë ligj, asnjë moral, pyetja shtrohet, po shqiptarët çfarë bëjnë?

Pyetja shtrohet: e kujt është përgjegjësia?

Përgjegjësia miq është e jona, e jona dhe vetëm e jona.

Përgjegjësia është e guximtarëve.

Vetëm guximtarët bëjnë historinë.

Vetëm guximtarët firmosin fitore.

Vetëm guximtarët meritojnë fitore.

Vetëm guximtarët mbrojnë dinjitetin dhe lirinë e njeriut.

Vetëm guximtarët mbrojnë interesin kombëtar.

Vetëm guximtarët do krijojnë qeverinë teknike.

Vetëm guximtarët do u rikthejnë shqiptarëve votën e lirë.

Vetëm guximtarët do firmosin ndryshimin e pushtetit.

Vetëm guximtarët do firmosin fitoren e opozitës.

Duke përshëndetur të gjithë ata që protestuan tek bashkia, ftoj qytetarët të nisim betejën e madhe, betejën e pandalshme, betejën pa kthim për qeverinë teknike, votë të lirë.

Rrofshi ju, rroftë Shqipëria.

Fitore, fitore, fitore!