Kryebashkiaku i Tiranës, Erion Veliaj, pavarësisht skandaleve që kanë “mbërthyer” bashkinë, vijon të bëjë propagandë në rrjetet sociale.

Mëngjesin e kësaj të diele, Veliaj ka bërë propagandë me krasitjen e pemëve në kryeqytet.

Por pavarësisht tentativës për të manipuluar dhe për të treguar se po kujdeset për Tiranën, e cila për javë të tëra u kthye në kosh plehrash, qytetarët kanë treguar fytyrën e vërtetë të Veliajt.

Përdoruesit e rrjeteve sociale kanë komentuar në profilin e kryebashkiakut, duke “çjerrë” propagandën dhe duke zbuluar realitetin në të cilin jetojnë.

Ndonëse stafi i Veliajt që merret me pastrimin e komenteve negative në rrjetet sociale ka fshirë shumë komente negative, qytetarët kanë arritur të shprehin mendimin e tyre.

Disa kanë treguar gjendjen e Tiranës, ndërsa një tjetër thekson me ironi se fotografi i bashkisë është për çmim “Nobel”.