Lideri i opozitës, Sali Berisha, në një deklaratë për mediat, ka komentuar zhvillimet më të fundit në SHBA, duke i cilësuar ato si një "ditë të madhe në histori", për faktin se sipas tij personi që kishte lobuar për shpalljen e tij "non grata", është tashmë vetë nën akuzë në bazë të aktit RICO.

Berisha e konsideron këtë një zhvillim të jashtëzakonshëm jo vetëm në aspekt personal, por edhe për të ardhmen e SHBA-ve dhe partnerëve të tyre.
Ai theksoi se personi që firmosi vendimin ndaj tij nuk mund të hyjë më në asnjë institucion federal në SHBA, për shkak të mashtrimeve që sipas tij i janë bërë publikut amerikan lidhur me çështjen e laptopit të Hunter Biden.
Tani, ditë e madhe në histori. Personi që loboi për ‘non gratën’ time subjekt i RICO-s. Si të duket ty. Ja shife. Një.
Dy, personi që firmosi nuk hyn dot në asnjë ndërtesë federative të vendit të tij. ‘Non grata’ në çdo ndërtesë. Si një mashtrues i madh publik dhe nuk dihet se si do shkojë se ka bërë një mashtrim të tmerrshëm të kombit të tij.
Ka arritur të mbledhë firmat e 51 personaliteteve më të larta të sigurisë së SHBA-së, duke u betuar si mashtrues ordiner, se Hunter Biden nuk ka patur në jetën e tij në dorë laptop dhe laptopin e kanë hedhur rusët. E kupton.
Si të duken ty këto zhvillime, me thuaj pak. Këto për mua janë zhvillime të jashtëzakonshme, jo vetëm personale, por për mbarë SHBA-të, partnerët e tyre dhe mbarë botën.