Nga Ylli Dylgjeri
Skandali dhe abuzimi i zëvëndëskryeministres Balluku është deri më tash nga më
madhorët që njeh historiku i Ministrisë e Infrastuktrures dhe Energjitikës. Eshtë më i madh në historinë e Qeverive shqiptare. Eshtë më i madhi i së majtës shqiptare. Eshtë më i madhi në 33 vite demokraci. Eshtë më i madhi në vlerë monetare...Eshtë më i madhi edhe në Rajon.
Shohim vetëm një "sulkuqe" që hyn e del si e pickuar në SPAK pa shpjegime, dhe Kryeministrin që shpërthen me deklarata kunder gjygjsorit.
Shohim vetëm një zëdhënës që i mban çadrën e shiut Zëvëndëskryeminstres.
Shohim bodiguardë që i hapin dhe mbyllin derën asaj.
Po nuk shohim kërkënd që të hapë e mbyllë gojën për hiper skandalin e shekullit.
Ajo që dallon në tëre këtë skenë krimi është blackouti informativ i strukturës administrative që paguhet për këto punë.
Nuk bzan njeri.
Nuk ka informacion nga zëdhënësi i Ministrisë, nga Sekretari i Përgjithshëm, nga Drejtorët e Përgjithshëm nga askush që e ka detyrë funksionale të flasë e të sqarojë taksapaguesit shqiptar se çpo ndodh me lekët e tyre?
I vetmi burim që nxjerr lajme të hapura apo klandestinë është SPAK me tekset e përgjimeve.
Të tjerët janë gazetarët investigativ që rrinë me orë para SPAK për të kapur ndonjë lajm, apo analistët e banaqeve që tjerrin fjalë.
Ky është terri informativ.
Ky është statusi i Nëpunësit Civil.
Kjo është shkolla që po u mësojmë brezave administrativ.
Kjo është administrata publike që ka hapur negociatat për në BE.
Kjo është trasparenca që na ofroi Rilindja e vdekur. Sepse hapësira mediatike e Rames është kthyer sot në parodi groteske të modelit të kohës komuniste.
