Kryetarja e Lëvizjes Socialiste për Integrim, Monika Kryemadhi, nëpërmjet një deklarate për shtyp nga Selia e LSI-së e ka konsideruar si tërësisht arbitrar vendimin e gjykatës për 23 protestuesit e Rrugës së Kombit.

Me tone të ashpra Kryemadhi është shprehur se vendi është në duart e Kryeministrit hajdut dhe se tashmë i takon popullit të reagojë sepse fjala e politikës mbaroi.

 “Askush nuk mund të vendoset mbi popullin, as bandat, as kriminelët e Edi Ramës. Edi Ramën askush nuk mund ta shpëtojë nga populli kushdo qofshin ata. Opozita e bashkuar nuk do ta lejë krimin e veshur me pushtet. Veprimet e opozitës janë tashmë legjitime. Ata policë që i shërben pushtetit duhet të llogarisin dhe fundin e karrierës së tyre me fundin e këtij pushteti, po ashtu edhe gjykatësit dhe prokurorët. Fjala e politikës mbaroi, tani e ka radhën fjala popullore’, deklaroi kryemadhi.