Në ditën e Dëshmorëve ka reaguar edhe deputeti i LSI-së, Shezai Rrokaj, i cili bëri homazhe në Varrezat e Dëshmorëve në Vlorë, ku u shpreh se vepra e Dëshmorëve, vlen të merret si misionin që ka forca politike përballë qytetarëve shqiptarë.
Nga ana tjetër, deputeti i LSI-së, thotë se ëndrra e tyre për një Shqipëri Europiane, të bëhet realitet sot përmes sakrificës.
”Sot isha në Vlorë për ditën e 5 Majit, së bashku me një grup anëtarësh të KDK-së për të nderuar veprën e Dëshmorëve që dhanë jetën për lirinë e atdheut, si dhe për të reflektuar për misionin që ka forca jonë politike, përballë qytetarëve shqiptarë. Dëshmorët bënë sakrificën sublime me gjakun e tyre, kurse ne duhet të sakrifikojmë që ëndrra e tyre për një Shqipëri të lirë, për një Shqipëri europianiste, të bëhet realitet”,-shkruan Rrokaj.
