Kur u mor vesh se ministri i Punëve të Brendshme, Saimir Tahiri, nuk do të ishte më në krye të ministrisë që e shkatërroi deri në qelizën e fundit të saj, servilët, injorantët e lajkatarët që i rrinin atij para e prapa, sigurisht rrënjë komunistësh deri në palcë, nxituan të përmbyllin ciklin e një epoke kriminale me këtë tabelë, sipas së cilës ish ministri shkroi "një histori suksesi". Atë e vendosën në zyrën e Tahirit në MPB si aktin e fundit të groposjes së kësaj ministrie. Data e fiksimit të kësaj fotoje është 11 mars 2017. Pavarësisht se shkatërroi gjithë burimet njerëzore të kësaj ministrie, duke e mbushur me fëmijë sigurimsash e komunistësh persekutorë, përgjithësisht disa budallaçka që quanin "punë" reklamat me merimanga nëpër spitale, pavarësisht se gjithë vendi kundërmonte era hashash, qatipët e Tahirit, e quanin "një histori suksesi". Ata e vlerësonin si komunist të mirë dhe luftëtar të vendosur kundër armiqve të klasës. Ky ishte ministri që është dukur më shumë si drejtor policie se askush tjetër në histori. Ndërsa drejtorët e përgjithshëm të policisë dukeshin si ministra.