Presidenti i Republikës, Ilir Meta ka mbledhur ditën e sotme Këshillin e Lartë të Drejtësisë. Axhenda e kësaj mbledhje ka pasur 15 pika për shqyrtim, pesë prej të cilave lidhen me masat ndëshkimore për gjykatësit, ndërsa 4 pika në lidhje me shkarkime dhe një për paralajmërim.

Në këtë mbledhje do të merren në shqyrtim edhe dy kërkesa që kanë bërë me vullnet dy gjyqtarë një e Gjykatës së Tiranës dhe një e Gjykatës së Durrësit për tu larguar nga detyra.

Në masat disiplinore të shkarkimit nga detyra që janë kërkuar nga ministrja e Drejtësisë, spikat gjyqtari i Durrësit Petrit Curri i cili sipas ministrisë së Drejtësisë gjatë një hetimi që është bërë janë konstatuar shkelje ku ai ka vendosur të mos japë OK për ekstradimin e Alket Hatisë në Itali.

Masë tjetër disiplinore është edhe ajo që do të merret ndaj gjyqtarit të Fierit, i cili ka vonuar zbardhjen e një urdhri mbrojtje për një shtetase e cila më pas u vra nga bashkëshorti i saj.