Ditën e djeshme, në një nga shkollat e periferive të Tiranës, tabela është mbushur sërish. Mësuesja kujdestare ka kërkuar, midis të tjerash sërish kartën e identitetit të të dy prindërve për çdo nxënës, ose një fotokopje të saj.
Në shkollën 9-vjeçare në periferi të Tiranës, mësuesja kujdestare i ka thënë nxënësve të klasave të 9 ta, se në qoftë se ato nuk sjellin kartën apo fotokopjen e kartës së ID të prindërve, atëherë për ta do jetë e pamundur fillimi i gjimnazit, pasi nuk do të pajisen me dëftesën e mbarimit të klasës së nëntë. A është ky një kërcënim i ri i ministres Nikolla?
Pas denoncimit të bërë nga ish-kryeministri Berisha, se Lindita Nikolla po mbledh kartat e identitetit të prindërve dhe shqetësimin e këtyre të fundit se për çfarë i do ministrja kartat e identitetit .
Prindërit hedhin dyshime se mos kartat do të klonohen për zgjedhje.
Ky urdhër i Ministres Nikolla, është jo transparent, i paligjshëm dhe abuziv, -kanë thënë deputetët e partisë Demokratike duke informuar njerëzit që legjislacioni në fuqi për Mbrojtjen e të Dhënave Personale ndalon rreptësisht përdorimin apo përpunimin e tyre pa ditur qëllimin, dhe duke i kërkuar Ministres Nikolla të japë sqarime kush ka kërkuar të dhëna që me ligj konsiderohen private dhe për cilën arsye?
Pas denoncimit të Partisë Demokratike për arsyet e fshehura që qëndrojnë pas dorëzimit në shkolla, të të dhënave të kartave të identitetit të prindërve të nxënësve, ka reaguar Ministria e Arsimit duke e tërhequr vendimin me një argumentim qesharak. Në një njoftim të MASR u tha se kjo po bëhej për transparencë dhe llogaridhënie të stafeve të shkollave kundrejt prindërve, dhe tërhoqi kërkesën për ti marrë numrin e kartës së identitetit prindërve.
Por , edhe pse ka gënjyer haptazi shqiptarët, Nikolla vazhdon ti mbledhë kartat e identitetit të prindërve.
Pse ministrja gënjeu që do të tërhiqej nga kjo kërkesë dhe përse e rifilloi sërish mbledhjen e t dhënave?
Diçka është e qartë: Nikolla diçka po kurdis, sepse nëse do të bëhej kjo për arsye transparence, edhe vetë procesi do të kishte qenë transparent: llogaridhënia do kishte filluar së pari tek prindërit, fëmijët e të cilëve janë “kërcënuar” me mos pajisje të dokumenteve që vërtetojnë mbarimin e shkollës. Nikolla është seriozisht një ndrikull ...
