Prokuroria e Krimeve të Rënda sapo  ka vendosur masën “arrest shtëpie” për Saimir Tahirin, i cili akuzohet për trafik droge dhe bashkëpunim me grupet kriminale. Edhe pse prokuroria kërkoi “arrest me burg” për ish ministrin, gjykatësja e çështjes, Liliana Baku, ka marrë 8 orë kohë, për të vendosur për vetëm një  “moslejim për të dalë nga shtëpia”.

Ndaj Tahirit është vendosur një masë dënimi qesharake, një tallje e qartë me popullin shqiptar.

Ndërkohë që kuksianët qëndrojnë në burg, vetëm se protestuan, ish-ministri ka marrë vetëm masën “arrest shtëpie ” edhe pse është përfshirë në një trafik ndërkombëtar të drogës.

Ish-ministri Saimir Tahiri u përfshi në skandalin e përgjimeve të trafikantëve “Habilaj” kushërinj të tij të largët, të cilëve iu kishte shitur edhe makinën. Në përgjimet e Prokurorisë së Katanias trafikantët e përmendnin si personi me të cilin ndanin fitime.

Pas kësaj nisën hetimet paralele në Itali dhe Shqipëri, por edhe pse prokuroria e Krimeve të Rënda kërkoi arrestimin e tij, Kuvendi nuk ia hoqi mandatin e deputetit. Tahiri ka qenë ndër zyrtarët më të sulmuar nga opozita, PD dhe LSI, ndërsa ndaj tij janë lëshuar akuza të shumta, si përgjegjës për kanabizimin e vendit si dhe bashkëpunim me bandat kriminale