Kryetari i Partisë Demokratike, Lulzim Basha ka mbledhur që prej orës 14:00 ka mbledhur grupin parlamentar të PD-së  për të diskutuar strategjinë e re.

Në qendër të diskutimeve është denoncimi sipas tij i fakteve të reja për vëllanë e ministrit të Brendshëm Fatmir Xhafaj, por edhe të eksponentëve të tjerë të qeverisë.

Kryetari i PD-së mësohet se është shprehur se strategjia e re e tyre që nga dita e nesërme është pjesëmarrja në komisione (pasi sot bojkotuan) dhe denoncimi i fakteve sipas tyre të rënda.

“Nesër dhe pasnesër PD do të shkojë në komisione për të treguar se nuk do ta ketë normalitet.

Vendimet e mëdha të opozitës do të merren hap pas hapi. Nëse deri të enjten nuk ka vendim, atëherë do të merren vendimet e mëdha”, mësohet se është shprehur Basha para deputetëve.

Gjithashtu Lulzim Basha në mbledhjen e grupit ka bërë një përmbledhje të denoncimeve të deritanishme, lidhur me emrin e Agron Xhafajt.