Fondacioni gjerman, Konrad Adenauer ka reaguar pas disa raportimeve nëpër portale, sipas të cilave ata kanë publikuar një sondazh me të dhëna tronditëse për Partinë Demokratike.
Sipas lajme të rreme që u shpërndanë thuhej se sondazhi e kishte nxjerrë PD-në me rënie elektorati dhe se 90% refuzojnë koalicionin e PD me LSI.
Sipas fondacionit, ky lajm nuk është i vërtetë.
Reagimi:
“Te nderuar miq te Fondacionit Konrad Adenauer, dje dhe sot, disa portale kane publikuar nje lajm sipas te cilit Fondacioni “Konrad Adenauer” ne Tirane ka realizuar nje sondazh te brendshem per Partine Demokratike.
KAS njofton se ky eshte nje lajm i rreme dhe i pavertete dhe se te gjitha te dhenat dhe atributet qe na jepen ne te ashtuquajturin raport sondazhi per PD-ne, jane te sajuara.
Kerkojme qe ne te ardhmen, per cdo lajm qe lidhet me KAS, te kontaktohet paraprakisht zyra jone duke mos krijuar lajme te rreme dhe te njeanshme.
