Nënkryetari i Partisë Demokratike, Edi Paloka, ka mbledhur në një takim drejtuesit e degëve të kësaj partie në Tiranë.
Arsyeja e kësaj mbledhjeje është protesta që do të mbajë nesër opozita para Ministrisë së Brendshme.
Vendimi për organizimin e kësaj proteste u mor sot në një takim të drejtuesve të partive opozitare.
Mësohet se në takimin që po zhvillohet në selinë e PD-së, do t’i kërkohet drejtuesve të degëve të kësaj partie në Tiranë një pjesëmarrje sa më e lartë.
Pjesëmarrës në protestën e nesërme do të jenë deputetët demokratë dhe të partive të tjera në opozitë, ndërsa mungon kryetari i PD-së, për shkak të pjesëmarrjes në Samitin e PPE-së që do të mbahet në Sofje.
