Dje në Kuvend, në fjalën e para deputetëve, kryeministri i vendit pasi tha se fajin e kishte opozita për të gjitha mosrealizimet e tij, bëri deklaratën më qesharake që në Shqipëri nuk paska parti komuniste. Rama është kryetari i radhës i partisë komuniste pas Miladin Popoviçit, Enver Hoxhës, Ramiz Alisë dhe Fatos Nanos. Ai është mishërimi më klasik i trashëgimit të mizorisë komuniste. Ai ka qenë pjesë e një teatri me regjizurë të posaçme e të hershme.  Ishte i biri i Kristaq Ramës, nip i anëtarit të Byrosë Politike, Spiro Koleka. Ironia tjetër është se në vitin 2013 Rama bëri koalicion me të gjitha partitë zyrtare komuniste. Partia Socialiste sot mishëron gjithë pisllëkun e Partisë së Punës. Përveç persekutorëve, fëmijët e tyre janë emëruar në pika kyçe të administratës shtetërore. Jo më kot thuhet se është rikthyer Blloku i dikurshëm. Jo vetëm që ka parti komuniste, por ajo është më e fortë se kurrë. Enverizmi është rikthyer falë partisë së Edi Ramës, një parti me orientim të theksuar lindor, e natyrisht antiperëndimor. Edhe votimet në OKB kundër SHBA-së të Ramës këtu e kanë rrënjën.