Mëngjesin e ditës së sotme dy persona janë futur në Prokurorinë e Durrësit, ku kanë vjedhur disa dokumente të një prokurori.

Por përveç dosjeve, ata kanë vjedhur edhe serverin qendror të kësaj prokurorie, ku janë shënuar të gjithë procedimet penale që kap qarku i Durrësit.

Ajo që është më shqetësuese është fakti se në dosjen në fjalë, por edhe serveri ka pasur materiale të rëndësishme.

Bëhet fjalë për dëshmitarë, të cilët kanë dëshmuar kundër disa grupeve kriminale, apo edhe dosjeve të tjera.

Duke qenë se dosjet janë duart e kriminelëve, ata mund ta kenë të thjeshtë që të kërcënojnë dëshmitarët, madje mund të shkojnë edhe në eliminimin e tyre.

Fati i njerëzve është në duart e kriminelëve, ndërsa policia ende nuk ka arrestuar asnjë person. /55News.al/