Nëpërmjet Kryetarit të Grupit Parlamentar Petrit Vasili, Lëvizja Socialiste për Integrim ka reaguar ndaj dhunimit që iu bë gjatë protestës së opozitës, kryeredaktorit të gazetës RD, Bledi Kasmit.
"Kryeministri peng, pa shërim i frikës së tij, sot pa fundin e tij. Maskarenjtë e qeverisë gjakosen gazetarin Bledi Kasmi. Ky është kryeministri i mbaruar dhe frikacak, që godet nga pas krahëve. Ky është kryetari i maxhorancës së frikacakëve, që i merret fryma nga frikërat e natës dhe gjumit të prishur nga hesapet e hapura të drogës dhe haraçet e papaguara kriminelëve. Gjakun nuk do ta shpëlajë dot nga duart, kurrë," theksoi Vasili.
