Deputeti i Partisë Demokratike, Luçiano Boçi, ka reaguar për qëndrimet që kryeministri Rama ka mbajtur për sulmin që i është bërë medias dhe gazetarëve ditëve të fundit. Boçi, anëtar i komisionit të medias, thotë se kreun e qeverisë nëse nuk të transmeton media e tij ERTV, nuk përbën lajm.
“Për Ramën -Gjakosja e kryeredaktorit të RD-së përgjatë protestës së opozitës nuk na qenka lajm. -As gozhdimi me pyetje që i bëri gazetarja e Fax News, Ambrozia nuk është lajm.
Sikurse fyerja që ai drejtoi ndaj saj nuk ishte lajm. -Lajm nuk ishte as investigimi i gazetarit Jetmir Olldashi që depërtoi në botën e errët te lidhjeve të ngushta qeveri-krim dhe që zbuloi implikimin e familjes ministrore.
Sipas Ramës pra, e vërteta nuk është lajm. Po nuk të transmetoi ERTV-ja nuk je lajm”, shkruan Boçi.
