Gjithmonë e më shumë mjekët po e vënë theksin tek rëndësia e mbajtjes nën kontroll të kilogramëve të tepërt në barkun tuaj.

Barku është një tregues shumë i mirë i sëmundjeve të zemrës ose një problemi që mund të ketë depërtuar në jetën tuaj.

Edhe ata që janë të dobët, por kanë bark janë gjithashtu në rrezik. Indeksi i Masës Trupore (IMT) cilësohet si faktori kryesor që tregon gjithçka për shëndetin e një personi, por në fakt edhe shëndeti rreth belit tuaj mund të thotë shumë.

Dhjami i barkut është simptoma më e fuqishme e sëmundjes koronare të zemrës thonë doktorët kardiologë. Barku i një gruaje nuk duhet të jetë më shumë se 80 centimetra, ndërsa i një burri jo më shumë se 90. Për t’u siguruar që zemra juaj funksionon normalisht, duhet të largoni patjetër kilogramët e tepërt në bark.

Duhet të shmangni stresin, sepse është faktori kryesor që ndikon në peshë dhe në atakun e zemrës. Gjithashtu duhanpirja është një tjetër faktor që ndikon në sëmundjet e zemrës. Është shumë e rëndësishme që të mbani nën kontroll edhe nivelin e sheqerit dhe presionin e gjakut (tensionin). /revistawho.com