Konsumimi i 3 filxhanëve kafe në ditë nuk do t’ju bëjë keq për zemrën, madje mund të ulë edhe rrezikun e zhvillimit të çrregullimit ritmik të zemrës, sugjeron një studim i ri. Mjekët kanë paralajmëruar gjithmonë që konsumimi i kafeinës mund të jetë e rrezikshme për personat që kanë probleme me zemrën, duke shkaktuar vështirësi në pompim dhe lodhje të shpejtë.

Por, studimi i ri nga Kolegji Amerikan i Kardiologjisë ka zbuluar se 3 filxhanë kafe në ditë mund të ulin rrezikun e çrregullimit të rrahjeve të zemrës me 13%, duke ulur kështu rrezikun e atakut në zemër ose goditjen në tru – këtu nuk përfshihen pijet energjike, pasi janë realisht të dëmshme.

Ka shumë debate në lidhje me kafen. Kalifornia deklaroi muajin e kaluar se ajo është kancerogjene, ndërkohë që një studim i ri është i fundit ka të dhënat që sugjerojnë se deri në 6 filxhanë kafe janë të sigurta dhe se përfitimet shëndetësore tejkalojnë rreziqet.

Një studim i ri i kryer tek më shumë se 340 mijë njerëz ka zbuluar se si çaji ashtu edhe kafja mund të ofrojnë mbrojtje kundër çrregullimeve të rrahjeve të zemrës, shkruan gazeta “Shëndeti”.