Ajo është një prej personazheve më të ndjekur të ekranit, jo vetëm në drejtimin e disa spektakleve të rëndësishme, por së fundmi edhe në muzikë.

E reja e fundit nga Klea Huta që pritet të ndodhë sezonin e ri televiziv, është se mendohet se do ta shohim Klean në një ekran tjetër. 

Mësohet se Klea Huta do të rikthehet në Top Channel, ekrani në të cilin ajo provoi veten vite më parë si shoëgirl. Nga “Gjeniu i vogël” dhe Tv Klan, ku qëndroi për disa sezone, Klea do të prezantojë një program të ri në Top Channel.

Moderatorja dhe këngëtarja e ‘Bla Bla Bla’, shumë shpejt do të prezantojë një emision të ri, i cili u dedikohet personazheve shqiptarë që janë bërë të njohur jashtë vendit. Edhe pse në fillim ishte përfolur se ky format do të drejtohej nga motra e këngëtarit Dren Abazi, Rina, me sa duket, produksioni ka vendosur t’ia besojë Kleas.

Sipas burimeve, programi do të ketë gjithsej 12 puntata gjatë të cilave do intervistohen 12 personazhe të njohur që jetojnë jashtë Shqipërisë. Për këtë arsye, stafit do t’i duhet të udhëtojë në vende të ndryshme të botës si Amerikë, Angli etj. Si personazhe që do t’i bashkohen këtij formati janë Emina Çunmulaj, Angela Martini, Ermonela Jaho, etj.