Ylli i futbollit, Cristiano Ronaldo pritet të bëjë ndryshime thelbësore në jetën e tij. Pas lajmeve për transferimin e tij te Juventus tashmë po flitet për një sfidë që ai do t’i bëjë familjes më të famshme në botë asaj Kardashian.
Revista Variety ka shkruar se ai do të fillojë një serial që do të transmetohet live në Facebook.
Përfaqësuesit e Ronaldos janë duke zhvilluar bisedime me gjigantin e rrjetit social për reality show që do të ketë 13 episode.
“Kjo mund ti sjellë portugezit edhe 9 milionë euro të tjera”, shkruan revista e mirënjohur Variety.
Mendohet se do të ketë gjithçka rreth jetës së tij private e familjare, përfshirë dhe futbollin. Ai është një ndër sportistët më të famshëm në botë që do të fitonte vëmendje të madhe me këtë serial.
