Zaimina Vasjari është njëra ndër këngëtaret më të komentuara në showbizin shqiptar.

Ajo ka disa vite që është në lidhje biznesmenin nga Shqipëria, Klodian Asllani me të cilin ka edhe vajzën, Khloen.

Bashkëshorti i Zaiminës ka edhe dy vajza nga lidhja e mëhershme për çka edhe flet Vasjari në një nga emisionet shqiptare. Ajo sqaron raportin që ka me vajzat e tij edhe pse ato jetojnë jashtë vendit.

“Kam një marrëdhënie shumë të bukur. Ato janë vajzat e bashkëshortit tim, por janë edhe gjaku i vajzës sime dhe motrat e saj. Ato janë pjesë e familjes dhe janë dy vajza të mrekullueshme. Unë nuk kam dashur t’i bëj publike sepse sot mund të aludohet shumë. Unë kam pasur edhe shumë mesazhe jo shumë të këndshme rreth kësaj teme, prandaj dua që privatësia e jetës së tyre të jetë larg vëmendjes së mediave”, shprehet këngëtarja. Zaimina po ashtu ditë më parë në rrjete sociale solli imazhe nga ditëlindja e njërës prej vajzave.