Vetëm pak ditë më parë, në shtypin rozë turk qarkulloi lajmi i shtatzënisë së mundshme të Almeda Abazit. Dhe siç ndodh zakonisht me raste të tilla, duhet të kalojë pak kohë që të pranohet apo vërtetohet plotësisht lajmi, mirëpo ky nuk është rasti bukuroshes shqiptare. Menjëherë sapo lajmi u pasqyrua në portalet turke dhe ato shqiptare, zonja Tayisman nuk ngurroi të pranonte se ishte e vërtetë dhe se ky ishte momenti më i lumtur i jetës së saj. Mirëpo Miss Shqipëria ka zgjedhur të mos mbajë sekrete as me mediat, e as me ndjekësit e saj të shumtë në rrjete sociale. Në postimet e fundit në Instagram, Almeda ka pranuar se është në pritje të një djali.

E rrethuar nga njerëzit e saj më të dashur, bashkëshorti i njohur dhe milioner Tolga, mamaja, motra dhe vëllai i vogël, dhe mjekja gjinekologe, ylli shqiptar ka përfituar nga rasti për të ndarë lajmin e mirë me të gjithë duke zgjedhur tullumbacet blu, si simbolikën e gjinisë mashkullore. Nuk na ngelet gjë tjetër veçse t’i urojmë shtatzëni sa më të mbarë!