Pas suksesit të albumit të saj të dytë “Phoenix” të publikuar në nëntor, Rita Orën e kemi parë në majat e klasifikimeve botërore të muzikës, por  tani ajo do të jetë pjesë e një fushate të re publiciteti dhe bashkëpunimi, për këpucët luksoze të markës prestigjoze “Giuseppe Zanotti”, si imazhi i ri zyrtar.

“Shumë e emocionuar për fushatën e re të këpucëve luksoze italiane, bazuar në bizhuteritë e mia personale”, shkruan Rita Ora krahas fotove provokuese të publikuara prej saj.

Këpucët e koleksionit do të kenë kryesisht çizme të larta lëkure, të hapura nga mbrapa por dhe këpucë me taka që theksojnë kofshët apo sandale të hapura me zinxhir përreth këmbës, të gjitha bazuar dhe ndikuar nga bizhuteritë personale të Rita Orës.