Regjisori i famshëm Quentin Tarantino do bëhet baba për herë të parë në moshën 56-vjeçare.
Tarantino dhe bashkëshortja e tij izraelite Daniella Pick, janë në pritje të fëmijës së parë.
Ende nuk dihet asnjë detaj tjetër mbi shtatzëninë dhe sa muajshe është modelja.
"Daniella dhe Quentin Tarantino janë shumë të lumtur të njoftojnë se janë në pritje të një foshnje,"-tha një zëdhënës i çiftit.
Çifti u martua në nëntor. Regjisori i “Once Upon A Time In Hollywood” u takua me modelen gjatë promovimit të filmit të tij "Inglourious Basterds" në Izrael në 2009. Ata u fejuan në vitin 2017.
Lajmi për ardhjen e një foshnje në jetë vjen në një kohë triumfi profesional për Tarantino. Analistët parashikojnë se “Once Upon A Time In Hollywood” do fitojë të paktën 375 milion dollarë në të gjithë botë.
