Një lajm shokues është duke qarkulluar në Argjentinë. Kombëtarja rrezikon të mbetet jashtë Kupës së Botës “Rusia 2018”, e cila fillon pas pak ditësh.

Mirëpo, refuzimi për të luajtur miqësoren me Izraelin mund t’i kushtojë shumë Argjentinës, madje edhe përjashtimin nga Botërori. Gjithçka si pasojë e “COMTEC”, e cila ishte organizatorja e kësaj sfide.

Përfaqësuesit do t’i kërkojnë FIFA-s dënimin e ashpër për Argjentinën, pasi pretendojnë se në këtë rast kemi të bëjmë me diskriminim fetar.

Duket e vështirë që FIFA të marrë këtë vendim pak ditë para se të nisë Botërori, por avokatët, sipas gazetës “Ole” po e ndjekin nga afër çështjen.

Ekipi i Argjentinës refuzoi të luajë ndeshjen e përcaktuar, pas kërcënimeve që morën Messi dhe shokët e tjerë të skuadrës.