De Gea thotë se për të ardhmen do të flasë pas Kupës së Botës, tani është i fokusuar që ta ndihmojë Spanjën të shkojë sa më larg në Botërorin e Rusisë dhe pse jo, edhe ta fitojë krejtësisht atë.
David De Gea nuk është duke menduar për largimin nga Manchester United, por as nuk e ka përjashtuar se mund të ndodhë diçka pas Kupës së Botës. Ai thotë se momentalisht është i fokusuar vetëm në Botërorin e Rusisë.
27 vjeçari lidhet me një kalim në Spanjë tash e disa vite, ai ishte afër transferimit në “Santiago Bernabeu” në vitin 2015, por dështoi në minutat e fundit...
“E ardhmja? E rëndësishme është Kupa e Botës dhe mos të mendojmë diçka tjetër që mund ta na tërheqë vëmendjen apo të na shqetësojë”, u shpreh ai, duke shtuar: “Dua të jem i fokusuar për të pasur një Kupë të Botës sa më të mirë – të gjithë jemi mirë. Shpresoj se mund të shkojmë larg dhe të fitojmë”.
