Mesfushori i Liverpoolit, James Milner, tha thënë për bashkëlojtarin e tij, Mohamed Salah, se ai duhet të vazhdojë të luajë me po të njëjtën kualitet edhe në sezonet e ardhshme për t’u konsideruar një ndër lojtarët më të mirë. Milneri beson se Salah do ta bëjë një gjë të tillë.
Sulmuesi egjiptian, Salah, sezonin e kaluar shënoi 44 gola për Liverpoolin, 32 nga të cilin ishin në Premierligë. Në fund të sezonit, për shkak të performancave të tij, 26-vjetori mori me vete çmimet Këpuca e Artë dhe Lojtari i Vitit për Premierligë, përcjell Gazeta Express.
“Lojtarët më të mirë në botë nuk njihen për shkak të një sezoni të mrekullueshëm, ata e bëjnë një gjë të tillë në vazhdueshmëri. Edhe ai është në gjendje ta bëjë këtë”, ka thënë Milneri.
“Normalisht, mendoj se ka shumë presion ta përsërisësh një sezon aq të mirë. Mendoj se është ndër lojtarët më të mirë, ai ka treguar se do të vazhdojë të përmirësohet”.
Performancat e egjiptianit gjatë sezonit të kaluar ngjallën interesim te shumë ekipe evropianë, një ndër të cilët ishte edhe Real Madridi. Megjithatë, ai nënshkroi kontratë të re 5-vjecare në korrik me Liverpoolin.
