Edhe ky botëror ishte një dështim për kombëtaren e Brazilit, ndonëse jo aq i rëndë sa ai i para 4 viteve. Siç raportohet nga AS në Brazil vazhdon të flitet ende për këtë temë, por për ish-trajnerin e Brazilit dhe trajner aktual i Cruzeiro-s Mano Menezes kjo situatë e ka një zgjidhje. Problemi quhet ... Neymar. Dhe si zgjidhet? Të bazohet loja te Gabriel Jesus, më i aftë në finalizim, sepse paradoksalisht prania e fenomenit të PSG është problematike.

 “Unë kam një teori, që mund të shkaktojë polemika. Problemi i Brazilit nuk është Gabriel Jesus, që është lojtari i fundit që ka shpërthyer gjatë viteve të fundit, por prania në sulm e Neymar. Ai e monopolizon lojën. Në një mënyrë apo tjetër topi gjithmonë përfundon tek ai dhe qëllon shpeshherë që ai nuk i ka idetë e qarta. Është egoist dhe kjo ndikon te loja e ekipit. "

Përgjigja e Menezes nuk le vend për interpretim. "Kur drejtoja ekipin kombëtar, preferoja të luaja me vetëm një sulmues për këtë arsye. Ideja ishte e të gjeturit një alternative për të zgjidhur një problem që ndodhte shpesh." Mbetet për t'u parë nëse Tite do ta dëgjojë atë kur Selecao të kthehet në fushë në muajin shtator.