Ferrari 250 GTO nga viti 1962 u bë makina më e shtrenjtë e të gjitha kohërave të shitura në një ankand.

Pas një ankandi emocionues të koleksionistëve të pasur klasik të makinave që mbahen nga shtëpia e RM Sotheby në Monterey, Ferrari legjendar i garave ka arritur çmimin deri në 48.4 milionë dollarë, transmeton KP.
Vetura më e shtrenjtë e shitur në ankand ishte më parë një Ferrari 250 GTO, i cili në vitin 2013 ndryshoi pronarin për 38.1 milionë dollarë.
Më parë këtë vit, koleksioni amerikan i makinave, David McNeill, pagoi 80 milionë dollarë për një Ferrari 250 GTO me një histori të pasur garash, por ky transaksion u bë direkt ndërmjet shitësit dhe klientit, pa ndërmjetës.
Ferrari 250 GTO nga 1962, i cili u shit në Monterey, bart numrin e karrocerisë 3413 GT dhe ishte modeli i tretë i prodhuar nga 36 ekzemplarët.
Fillimisht ai u përdor si një makinë testuese në Ferrari, dhe më vonë u drejtua gjithashtu nga kampioni i Formula 1, Phil Hil. Makina u ble në vitin 2000 nga Greg Viten, dikur një nga ekspertët kryesorë në Microsoft dhe një koleksionist i famshëm i makinave, por nuk dihet shuma e pagesës.