Erzeni është një nga skuadrat e Kategorisë së Parë që njihet për tifozerinë e saj të zjarrtë. Shijakasit kanë tri sezone që synojnë të ngjiten në elitë, por e kanë pasur mjaft të vështirë, shpesh për shkak se nuk kanë pasur kontigjentin e duhur, ndërsa, edhe padrejtësitë e garës kanë bërë që rikthimi mes më të mirëve të futbollit shqiptar të mbetet një ëndërr.

Por, janë tifozët ata të cilët në rrjetet sociale i kërkojnë llogari drejtuesve të klubit, e madje e thonë edhe hapur se skuadra e këtij sezoni nuk është e ndërtuar për t’u ngjitur në Superiore sepse kontigjenti është i pamjaftueshëm dhe nuk ka kualitetet e duhura.