Julen Lopetegui nuk mendon se ekipi i tij është në krizë. Pavarsisht rezultateve negative, e faktit që Reali i tij nuk shënon prej tre ndeshjesh, ish-tranjeri i Spanjës mendon se situata nuk është aq e rëndë sa duket, e fitoret do të vijnë shumë shpejt:

“Ky është Reali i Madridit, është normale që do të ketë kritika. E rëndësishme është ndjeshmëria që kemi me djemtë. Do të ketë gjithmonë momente të mira e të këqija, do të rregullojmë ato që kemi për të rregulluar, por kemi besim se do të bëjmë më të mirën tonë në të gjitha kompeticionet”.

Lopetegui foli gjithashtu për ato që i kanë munguar ekipit të tij në takimet e fundit, por edhe për situatën e tij të vështirë në klub. Nuk mund të mungonte as një koment për atë që konsiderohet si një nga liderët e “Los Blancos”, Gareth Bale:

“Aktualisht jemi me pikë të barabarta me vendin e parë të La Ligas, e kam besim se edhe në Champions do të kemi rezultate të mira. Mendoj se na ka munguar disi fati, por nuk ka problem. Punojmë çdo ditë për tu përmirësuar akoma më shumë. Bale është një lojtar i rëndësishëm për skuadrën tonë. Në derbin me Atleticon kishte disa probleme, por tani është mëse gati.”