Në botën e futbollit, dhoma e zhveshjes është një vend i shenjtë. Madje ka raste që nuk lejohet as presidenti i klubit të hyjë para ndeshjes, por kur vizitohet nga hajdutët, atëherë situata bëhet shqetësuese. Ngjarja e shëmtuar ndodhi dje në Perugia, gjatë një ndeshje të vlefshme për kategorinë Eçellenza.

Bëhet fjalë për ndeshjen San Sisto-Ponteveçhio, gjatë së cilës në pushim të pjesëve, me rezultatin 0-0, lojtarët e Ponteveçhio kanë gjetur dhomën e veshjes plotësisht të grabitur. Telefonat, çelësat, paratë, gjithçka mungonte.

Lojtarët e ekipit tjetër, të tronditur nga ajo që ndodhi, nuk pranuan të zbrisnin në fushë në pjesën e dytë, me gjyqtarin Alessio Amadei i cili nuk pati alternativë tjetër por të pezullonte ndeshjen. Tani i fjala i takon gjykatës sportive, që duke marrë parasysh rrethanat dhe raportin e policisë, do të marrë një vendim mbi ndeshjen. Autorët nuk janë identifikuar ende, kurse policia italiane ka nisur hetimet për zbardhjen e plotë të ngjarjes, duke sekuestruar edhe pamjet e kamerave të sigurisë