Krenaria e kombit shqiptar, kampionia olimpike Majlinda Kelmendi (-52 kg), fiton medaljen e artë në garën Grand Prix në Tashkent të Uzbekistanit.  Majlinda tregoi mjeshtrin e saj.  Trimëresha jonë dominoi në finale në përballje me zviceranen Evelyne Tschopp dhe e fitoi të artën. Majlinda dëshmoi klasin e saj, pas të argjendtës në Grand Slam në Abu Dhabi, tani rrëmbeu të artën.   Majlinda triumfon me ippon apo një sekondë e 52 sekonda para kohe.

Majlinda Kelmendi fillimisht e eliminoi Madelene Rubinstein nga Norvegjia, pastaj në çerekfinale ka qenë më e mirë se  Reka Pupp (Hungaria) dhe në gjysmëfinale  e rrëzoi  Ana Box Perez (Spanja). Majlinda në finale ka qenë më e mirë se Tschopp.

Distria Krasniqi e kishte ditën e saj. Ajo tregoi përformancë të shkëlqyeshme në secilën luftë. Distria me një teknikë të përsosur e hoqi qafesh Tamar Malca nga Izraeli, ndërsa në çerekfinale ka qenë më e mirë e se Katharina Menz e Gjermanisë. Distria bëri luftë mjeshtërore në gjysmëfinale, duke e mundur holandezen Amber Gersjes dhe në finale e mundi Eva Csernoviczki.

Nora Gjakova do të lufton në finale me gjermanen Theresa Stoll.

Xhudistet tona po tregojnë formë të jashtëzakonshme dhe vetëm kanë siguruar medaljet për Kosovës. Majlinda, Distria e Nora isjellin medalje të reja shtetit tonë. Ato synojnë medaljet e arta. Edhe një herë xhudo konfirmon fuqinë dhe që është sport nacional në vendin tonë. Nuk kanë medalje që nuk kanë fituar deri të medalja e artë olimpike që e fitoi Majlinda në Rio.

Driton Kuka, selektor i kombëtares së Kosovës, është sikurse në qiellin e shtatë në garën prestigjioze që po zhcillohet në Tashkent të Uzbekistanit.

Kjo është ditë e madhe për Kosovën! Xhudoja jonë po sundon botën dhe trimëresha tona po fitojnë pikë të reja olimpike, me hapa të fuqishëm po shkojnë drejt Tokios.

Majlinda Kelmendi (52 kg) ka fituar në gjysmëfinale me Ippon ndaj Ana Perez box nga Spanja.

Ndërsa Distria Krasniqi (48 kg) ka mposhtur Amber Gersjes nga Holanda në gjysmëfinale, që të dyja janë kualifikuar në finale.