Pas plot 35-vitesh gratë iraniane janë lejuar që të marrin pjesë në finalen e Ligës së Kampionëve të Azisë në Teheran. Ato ndoqën ekipin vendas Persepolis ndërsa humbi ndaj Kashima Antlers të Japonisë.

Prej kohësh, FIFA po punon me Iranin për t’i dhënë fund ndalimit të femrave në stadium.

Vitin e kaluar, 100 gra u lejuan të shihnin ndeshjen miqësore mes Iranit dhe Bolivisë ndërkohë që në mars të këtij viti u arrestuan 35 gra pasi morën pjesë në një ndeshje mes Persepolis dhe ekipit Esteqlal të Teheranit.