Ndonëse na ndajnë edhe pak orë nga ajo që është quajtur si kryesfida e kësaj jave me Milanit dhe Juventusit, kuqezinjtë kanë arritur të përfitojnë shifra rekord nga shitja e biletave.

Janë plot 70 mijë spektatorë që do e mbushin plot e përplot “San Siron” mbrëmjen e sotme, ndërkohë që çmimet kanë qenë më të larta se zakonisht, por tifozët nuk janë kursyer, e shkak për këtë është se rivalët e Juventusit kanë në ekip Cristiano Ronaldon dhe sipas drejtuesve të Milanin, për të parë Ronaldon nga afër, duhet të shpenzosh.

Mediet italiane shprehen se Milani do të arkëtojë plot 4.9 milionë euro nga biletat e kësaj ndeshje. Pra një rekord për klubin kuqezi, por nuk është vetëm kjo.

“Boom” të ardhurash kanë ardhur edhe nga të drejtat televizive pasi konfirmohet se ndeshja do të shihet në të paktën 200 shtete anembanë botës, një sfidë e cila pritet të jetë spektakolare.

Ndryshe mund të themi se Ronaldo nuk po rrit vetëm potencialin e klubit të tij, por edhe të ardhurat e kundërshtarëve. Sfida do të luhet në orën 20:30.