Vitin e kaluar, Katalonja tentoi ta shpallë veten si shtet të pavarur duke u ndarë kështu nga Spanja, mirëpo ky tentim nuk rezultoi të jetë i suksesshëm pasi që nuk gjeti përkrahje nga vendet e tjera, transmeton Gazeta Express.

Guardiola ishte i ftuar për ta mbajtur një ligjëratë si mysafir në Universitetin e Liverpoolit dhe ai e shfrytëzoi këtë mundësi për t’ia dërguar një mesazh ish-klubit të tij, Barcelonës.

“Natyrisht, Barcelona duhet të luajë një rol të rëndësishëm në këtë provës. Është e pamundur ta kuptosh Barcelonën pa e ditur paraprakisht se çfarë ka ndodhur në Katalonjë në të kaluarën”, ka thënë Guardiola.

“Është e pamundur, por unë mendoj se kur je në bord të drejtorëve ose je presidenti, kur ke fuqi, kjo do të thotë se ti duhet ta menaxhosh këtë situatë. Nganjëherë, kjo nuk është e lehtë, por nuk mund ta mohojmë se Barcelona është shumë e rëndësishme për identifikimin me kulturën dhe gjuhën tonë”.

Edhe ish-portieri legjendar i Real Madridit, Iker Casillas, ka folur për ndikimin që e kishte politika në ndeshjet e El Clasicos në vitin 2011, duke thënë se ata ishin si ndeshje mes Spanjës dhe Katalonjës.