Instituti i statistikave, IFFHS ka publikuar sot renditjen e trajnerëve më të mirë në Botë për atë që kanë fituar me klubet e tyre sa i përket vitit 2018. Liga e kampionëve e fituar me Real Madridin, ka bërë që Zinedin Zidan të shpallet trajneri më i mirë megjithëse aktualisht është trajner i lirë dhe nuk drejton asnjë skuadër.

Në vendin e dytë, pas Zidan është renditur Jurgen Klop, i ndjekur nga Guardiola dhe Simeone ndërkohë që vendin e pestë e mbyll trajneri i Juventusit, Masimiliano Alegri. Një rënie të ndjeshme në renditje ka pësuar Zhoze Murinjo, duke qenë se zë vendin e 16 në klasifikim, ndërkohë që e kanal kaluar edhe trajnerë të panjohur në Europë.

Tekniku Konte, që u shkarkua nga Çelsi, renditet në vendin e 12, ndërkohë që aktuali, Mauricio Sarri nuk bën pjesë fare në 15 vendet më të mira.